អាជ្ញាធរខេត្តបាត់ដំបងប្រាប់ឲ្យ​ពលរដ្ឋ​រស់​តាម​ដង​ស្ទឹងប្រុងប្រយ័ត្ន ព្រោះទឹកអាចនឹងកើនឡើង ---

 រដ្ឋបាលខេត្តបាត់ដំបងនៅព្រលប់ថ្ងៃទី២២ ខែតុលា បាន​បង្ហោះ​សារ​នៅ​លើ​បណ្តាញ​សង្គម ដោយជូនដំណឹងដល់បងប្អូនប្រជាពលរដ្ឋទាំង ដែលរស់នៅក្នុងខេត្តបាត់ដំបង ជាពិសេសបងប្អូនប្រជាពលរដ្ឋដែលរស់នៅតាមបណ្តោយដងស្ទឹងសូមឲ្យ​មានការប្រុងប្រយ័ត្ន។

ប្រុងប្រយ័ត្ន​ក៏​ព្រោះតែ ភ្លៀងបានបន្តធ្លាក់នៅប៉ែកខាងលើ ដែលធ្វើឲ្យ​ទឹកហូរចូលក្នុងស្ទឹងសង្កែ ធ្វើ​ឲ្យ​កម្ពស់ទឹកក្នុងស្ទឹងសង្កែ អាចមានការកើនឡើង។

ដូចនេះ រដ្ឋបាល​ខេត្តបាត់ដំបងអំពាវនាវ​ដល់បងប្អូនប្រជាពលរដ្ឋទាំងអស់សូម​មានការប្រុងប្រយ័ត្នខ្ពស់៕